МОЛИТВА

Олӧмын сьӧкыд кадъясӧ
Йирліс сьӧлӧмӧс мог.
Надейтчӧмӧн ме юрбиті
Ен вылӧ уна ног.
Небыд кывъясӧн, молитваӧн...
Пузьӧ сьӧлӧмын вир.
Сэк кажитчӧ — важ олӧмлӧн
Дзуртӧ сімӧмла дзир.
Кага моз пыр ме виччыси
Вылісянь гажа шуд.
Уджавтӧг ен кырымсянь
Эг сёйлы чӧскыд блюд.
Ылавтӧг ньӧти висьтала:
Оръясьӧ бӧръя чеп,
Дай пытшкӧсӧй мый уджалӧ,
Некодыр ме ог дзеб.
Ньӧжйӧ вежсис вежӧрӧй,
Кевмӧмлы эз вӧв пом,
Но ланьтіс бӧрти гаравны
Абутӧм йылысь вом.
Молитва да сись кусіны, — 
Код ловлы сетӧ шог.
Овны куті сэки ме
Югыд шондіӧн, выль ног.