ДЗОЛЯ ЙӦЗ, МИ ТОМ ЙӦЗ

Дзоля йӧз, ми том йӧз,
Олӧмӧ бур корсям.
Личыд олӧм, коми йӧз,
Аслыным ми дорам. I кыкысь.

Кулаклы, озырлы,
Места сиктын абу.
Важ олӧм ми тупъям.
Гажа олӧм вочам. I кыкысь.

Уджалӧмӧн, велӧдчӧмӧн
Югыд вӧля дорам.
Перыда, ӧтиктӧг
Клубӧ ставӧн пырам. I кыкысь.

Вичко вера юр гудралӧ.
Поплысь огӧ кывзӧй.
Лучшӧ ми скод вылӧ
Агрономӧс корам. I кыкысь.

Тӧргӧвӧйлы ӧти грӧш, — 
Коператив восьтам.
Гӧль олысьлы кокйыв сувтны
Касса, отсӧг вӧчам. I кыкысь.

Кокньыд, личыда ми олам,
Асьным сӧвет бӧръям.
Буржуйяс кӧ кыпӧдчасны,
Ӧтитӧг ми сувтам. I кыкысь.

Топыд киӧн, винтовкаӧн,
СССР-ӧс видзны мунам.
Топыд киӧн, винтовкаӧн
СССР-ӧс видзны мунам. I кыкысь.