КӦДЗЫСЬЯСИлля Микол вика кӧдзис, Сьӧлӧм радлӧ: — „Оз кӧ вош, Мӧд во мӧскӧс ог ло лэдзысь — Ягын оз сёй сійӧс ош“. Турнепс пуктӧ Ӧльӧш Илля, Чужӧм кузя лэччӧ пӧсь: Кӧйдыс лӧдӧ зіля, зіля: „Бура быдмы, выль, том гӧсьт“. Педӧр Мишӧ градъяс лэптӧ, Кашкӧ — оз кыв ассьыс мудз. Оз и тӧдлы градъяс кыптӧ — Мӧд бок кинад он нин судз. „Морков, анькытш татчӧ быдмас, — Шуис меным Мишӧ ёрт, — Мӧд во кӧйдыс уна сетас, Тайӧс кӧдзас уна морт“. Ӧньӧ Ӧньӧ фосфор сявкйӧ — „Аттӧ дивӧ, буса тай...“ Бӧрӧ-водзӧ ветлӧ-шавкйӧ: „Ӧдюк, нолтӧ агсав, вай!..“
