ГИЖЫСЬЯСЛЫГижысь ёрт, пыр кыйӧд кад, Кыдз мунӧ, кывтӧ олан лад, — Пасйыштав! Мый бурыс выйим лэпталышт, Няйт пиысь выльсӧ ӧкталышт, — Пожйыштав! Кӧн важыс выльсӧ курччӧма Да пиньыс пыдӧ мӧрччӧма — Важсӧ чег! Кӧн петас нюкыр петӧма Да юрсӧ важ ёг лэптӧма — Тальышт сэк! Ме тӧда, тіян — ыджыд вын, Кодсюрӧ весьӧн мед оз мын — Вермасьӧй! Дас вося удж — дерт, ыджыд удж, Но оласноглӧн ӧти сутш, — Тэрмасьӧй! Ті — дорысь йӧз, ті дорӧй пыр, Эн дышмӧй, уджныд нэм оз быр, — Выныштчӧй! Став мырсьысь йӧзлӧн лача — ті, Ті шлюп эн лэдзӧй гижан ки, — Шеныштчӧй!.. Дерт, сьӧкыд тіян мунан туй, — Петін кӧ мунны, эн ов жуй, — Тувччалӧй! Тіян пасныд — Ленинизм, А сувтан скала — Коммунизм, — Уджалӧй!
