МЕ ЛОКТІ...

Ме локті мирлысь нюйтсӧ сотны,
Локті корсьны йӧз кост мез,
Йӧз кост вӧля кӧвтны, вотны,
Руз-паз вартны чераньвез.

Ме локті йӧзлы туйдӧд сетны,
Сетны кось дыр вынйӧр-вын:
Социализмланьӧ петны
Ленин туйӧд кокни джын.

Ме локті йӧзӧс нуны водзӧ,
Кӧні долыд асшӧр удж, — 
Ворсігмоза быдӧн вӧчӧ,
Йӧз кост нартӧм^Нартитӧм./^ абу сутш.

Ме локті нуны югыдінӧ,
Кӧні олӧм райса ног:
Шог оз кутчысь сьӧлӧм дінӧ,
Оз кыв няргӧм — ой ни ок...

Ме локті йитны руз-паз йӧзӧс,
Йитны ёна бура сідз,
Медым няргӧм збойӧн вежас,
Лов вир усьӧ вӧлисьт лич.

Ме локті выльӧс йӧзлы кӧдзны,
Корсьны вына паськыд му,
Социализм керка вӧчны...
Чайта, паныд морт оз шу!