МАМӦ ВИДӦ

Клубӧ ветла — мамӧ видӧ,
Шуӧ сюра сӧтӧн.
«Мӧдысь мунан, йӧрта гидӧ,
Олышт лун-мӧд сэтӧн!»
Спектак вылысь локта, — ёрччӧ:
«Енмӧй, перйы синсӧ!
Коммунисткӧд тайӧ гӧрсьӧ, — 
Бырӧд мичалунсӧ».
Праздник воас, нига лыддя — 
Мамӧ бара пуӧ:
Мун пӧ вичк-ӧ, — нига мырддьӧ,
Сотны пачӧ нуӧ.
Кружок вылӧ ветла, — горзӧ:
«Енмӧй, чег пӧ коксӧ.
Пытшкад тэнад анти ворсӧ,
Индӧ омӧль ноксӧ».
Сёйны пуксям, мамӧ пузяс:
Мыйла пӧ он пасъясь.
Сэні ёрччӧм лыддяс кузьӧс,
— Вӧтла аслам гортысь.
«Дыр-ӧ тадзсӧ, нылӧ, дуран,
Сета верӧс сайӧ.
Верӧс кабыр улӧ сюран,
Вунӧ уджыд тайӧ». — 
— Сӧвет уджысь ме ог лэдзчысь, — 
Мамӧлы ме шуа, — 
Верӧс абу кутысь-лэдзысь,
Кувтӧдз уджсӧ нуа!...