ВАЖ ДОР ШОГСЬЫСЬ НЫВЛЫ

Мый тан увган, коді корис,
Мыйла тадзи песан кыв?
Кутшӧм туйвеж тэнӧ сорис,
Висьтав меным, муса ныв?
Оз-ӧ тэнӧ мусмӧм вӧтлы,
Оз-ӧ вӧтлы шудтӧм час;
Муса мортыд сетчис мӧдлы,
Индіс тэныд шоган^Шог./^ «пас»?
Гашкӧ пӧдтӧ тэнӧ ылӧг,
Первой питӧ чужтін да,
Син эн чӧвтлы тэ сы вылӧ, — 
Йирӧ шургин веськыда?
Гашкӧ ӧні янӧд сёйӧ,
Сьӧлӧм сотчӧ, биын моз;
Ветлан сэті войысь войӧ,
Кывзан — бӧрдӧм кылӧ оз?
Гашкӧ пытшкад быдтас йирӧ,
Батьысь-мамысь полан да,
Сёрни оз ло медым мирын,
Олӧм пуан дзескыда?
Кытчӧ воштін долыд олӧм,
Али воштіс сійӧс мӧд;
Кысянь чужи бӧрдӧм, полӧм,
Вай жӧ, нылӧй, сёрни сет?
— Менӧ некод дзик эз вошты,
Ачым вошті ачымӧс,
Озыр вылӧ босьті-ышті,
Ворсси ассьым сьӧлӧмӧс.
Воши мичлун, воши долыд,
Воши мусук — озыр Вань,
«Октябр» лунсянь менам шогыд,
Ӧла-ӧла^Ӧлӧда./^, да оз ланьт.
Сэсся лӧньыс эз на лолы,
Сэсянь, быттьӧ, ола вӧт.
Ӧкмыс во нин сы бӧр олі, — 
Бур удж вӧчӧм ог на тӧд.
— Ланьт жӧ, нылӧ, важ дор бӧрдны,
Шоган чашка юӧм лёк, — 
Асьтӧ щелльӧ не жӧ йӧртны,
Шоган важлысь песны нок^Мог./^.
Восьты синтӧ, югӧр усьӧ...
Тайӧ югӧр — шудаин.
Социализмӧн коді шусьӧ, — 
Уджалысьлысь оз ёр син!..
Сылань мунам, сэки выльман,
Сэки вунӧ «озыр Вань»,
Ӧтув мыркны^Мырсьыны./^ уджӧ зільман,
Аддзан долыд, аддзан гаж.