СЬӦЛӦМ ШОГӦЙ

Вирӧй, ок эськӧ... пуӧ да!
Сьӧлӧмӧй, ок эськӧ... чеччӧ да!
Сӧмын тай, мокасьтыд, тӧдӧмыд ичӧт...
Мортыдлӧн, ок ӧд!.. вежӧрыс ыджыд,
Мортыдлӧн, ок ӧд!.. сьӧлӧмыс зарни.
Мӧвпыштан мыйӧн гусьӧник тайӧс,
Ёнмывлан, збоймывлан быдӧн.
Но мый керан — ок эськӧ да!..
Бӧр падман, ланьтан.
Вежӧрлысь донсӧ, сьӧлӧмлысь мичсӧ
Огӧй на тӧдӧй, огӧй на аддзӧй
Ӧнӧдз ӧд миӧ... Но коркӧ
Тӧдны, аддзыны кутам.