ВОЙ ТӦВ

Кымӧр сайӧдлывлӧ бансӧ
Шондіыдлысь уна пӧв.
Парма муын дыр нин увгӧ — 
Бара шувгӧ войвыв тӧв.
Вой тӧв жувгӧ, вой тӧв увгӧ,
Оз и сувтлы лун и вой.
Оз тай повзьы паськыд мусьыд, — 
Кутшӧм вӧлӧм сійӧ збой!
Кынтіс сійӧ аслас выннас
Мутӧ, ватӧ, мукӧдтор.
Сё майбырӧй, мый нӧ вӧчан...
Оз нин визувт ӧні шор.
Аттӧ дивӧ, войвыв тӧлыд
Йӧзӧс повзьӧдӧма тшӧтш.
Сӧмын тэысь некод оз пов, — 
Весиг оз пов пӧрысь пӧч!