КОДЗУВЪЯС СОДӦНЫ

Дыр нин ми пармаын жугыля олім,
Эг лысьтлӧ мыччыны водзӧлань ныр,
Быдсяма „дивӧсьыс“ яндысим, полім,
Копырӧн видзим ми ассьыным юр.

Ӧні нӧ... туйыс со восьса тай, майбырӧй...
Мун водзӧ пармаа югыдлань тэ.
Вӧляӧн садьмыны куті тшӧтш ньӧжйӧник,
Пыркниті, пальӧді унзіль юр ме.

Пармаын кодзув моз дзирдавны пондіс со,
Петкӧдчӧ йӧз водзӧ, нюмъялӧ бан.
Енэжӧ рытладор кыпӧдчис, петіс, — 
Мед майбыр дзирдалас тан.

Уна нин выль войтыр сы бӧрын содіны,
Ломтысьны гажаа пондісны сэн,
Парматі водзӧлань ньӧжйӧник мӧдісны,
На бӧрся окота лои тшӧтш мен.