ЧОЛӦМБЫТТЬӦ

„Пармасянь петім на
Комиӧн гижысьяс,
Шыльӧдны кӧсъям на
Водзӧ ми гижӧдъяс.
Синным пыр воссьӧ на,
Кокъясным котӧртӧ.
Лёк олӧм чужъялам,
Бур олӧм чукӧртам.
Петім ми пармаысь
Выль гижӧд лӧсьӧдны,
„Ордымсӧ“ бурмӧдны,
Шыльӧдны-мольӧдны.
Киясным дзугсьӧ на,
Перӧным оз ветлы,
Кабала кыдйӧсь на, — 
Гижигӧн крукасьлам.
Кодыр ми велӧдчам
Выль олӧм стрӧитны,
Кодыр ми чужъялам
Важ олӧм коляссӧ,
Сэки медлӧсьыда
Перӧным ветлӧдлас.
Сэки ми „Ордымлы“
Чӧлӧмъяс ысталам.