НЫВЪЯСЛӦН СЬЫЛӦМ

Ньывсер^Ньывсер — ю ним, Висер вожын./^ ю дорын,
Гажа тулысын,
Рытын сёрӧник
Сьылӧм кылыштӧ.
Ру пыр мӧвкнитӧ
Тӧвру, пӧльыштӧ;
Тайӧ пӧльтӧмсьыс
Ньывсер гызьылас.
Тӧвру пӧльыштлас,
Пель пыр кылыштас
Дона аньяслӧн
Мича гӧлӧсныс.
Аньяс кыр йылын
Ёна сьылісны,
Гудӧк шыясыс
Пельӧ кылісны...
Лои вой шӧр нин.
Лӧсьыд сьылӧмъяс,
Гудӧк гӧлӧсъяс
Кывны дугдісны.
Дыр ме пукалі
Ньывсер кыр йылын,
Тӧлыс пӧляліс
Менӧ долыда.
Пельӧ друг меным
Гӧлӧс кылыштіс,
Муса нывкалӧн
Мича гӧлӧсыс.
Сійӧ гӧлӧсыс
Пырис сьӧлӧмӧ,
Кутіс йӧктыны
Менам пӧсь сьӧлӧм.
Ньывсер кузяыс
Гӧлӧс локталӧ,
Сьылӧм кылыштӧ
Муса аньяслӧн.
Ӧти зэв нора
Мыйкӧ горӧдлас,
Вӧсни гӧлӧснас
Ылӧ юргыштас...
Ньывсер ёна зэв
Сэки тӧвзьысис,
Нывлӧн мыла гор
Эз кут кывны сэк.
Тӧвлӧн бандуръяс
Ёна гызисны,
Нывлӧн сьылӧмыс
Дзикӧдз лӧнялі.

Типӧсиктса Иван.