АР

Кыдз пулӧн вижмӧма корйыс,
Бергалӧ, тӧлалӧ, киссьӧ.
Кадыс тай, тыдалӧ, сёрмис, — 
Зэр улын парма вӧр мыссьӧ.

Вой тӧв пыр ӧтарӧ шувгӧ.
Енэжӧд лэбалӧ пив^Кымӧр/^.
Трубаын лёк тӧлыд шургӧ:
Сы пыдди кайыд оз сьыв.

Ывлавыв ворсӧмыд быри.
Челядьлӧн мӧд пӧлӧс дум:
Кыдз эськӧ школаӧ пырны, — 
Велӧдчӧм налӧн оз вун.

Ӧдйӧ нин тӧлыд со воас,
Му вывтӧ шебрӧдас лым;
Югыд сэк ывлаыс лоас,
Калитчас челядьлӧн вын.

Велӧдчӧй, челядьӧ, зіля,
Коллялӧй сьӧд пемыд ар!
Тӧв воас — нимкодя вильзяд
Конькиӧн йи вывті — шар-р-р!