НЯНЬ АРТМӦМ

І

Быттьӧ гӧрд биӧн
Кыа ӧзйӧма,
Руыс быдлаын
Муӧдз лэччӧма.
Ломзьӧ гажа лун
Югыд шондіӧн,
Мӧдіс кайны ру
Вылӧ енэжӧ.
Сэні чукӧрмис,
Пӧрис кымӧрӧ;
Ылӧ тӧв нуис, — 
Кытчӧ зэр колӧ.
Йӧзыд радлӧны
Зарни зэрыслы:
— Тайӧ шань лоас
Выль кӧдзаяслы.
Воис сьӧд кымӧр
Посни войтъясӧн.
Зэрмис мичаа,
Югыд сӧдз ваӧн.
Быдӧн му вылын
Кӧдза дзоргӧдчис,
Мича нюдзвижӧн
Муяс вежӧдіс.

ІІ

Ветла, видзӧдла,
Нимкодясьышта, — 
Кыдзи быдмӧны
Няньяс выль воӧ.
Быдмӧ зэв бура:
Идзас сыв кузя,
Шепъяс тыраӧсь.
Кад нин вундыны.
Оз тай зіль йӧзыд
Зэв дыр кӧсйыны,
Регыд войтырыд
Босьтчис вундыны.
Кодлӧн вундыссяс,
Зіля тэчсьӧны.
Кольта додьясӧн
Йӧзыд гызьӧны.
Лыбис сёрӧмъяс
Гумладоръясын,
Няньяс чукӧрмис,
Оз нин шогсьыны.
Аддзӧ шондіыд:
Вундан эштӧма,
Мусьыс ывдӧдчис.
Гожӧм кольӧма.