КӦК

Лӧз енэж югӧрӧн тырӧма,
Дэбӧдӧ кынмывлӧм му.
Улялӧ, гӧгӧрбок ойдӧма,
Быгзьӧма, тырӧма ю.

Веж видз вылыс пӧртмасьӧ гож водзын,
Выль паськӧма кышӧдчӧ пу.
Лым пышйӧма куйлӧмысь му вылын,
Тӧв ньӧжйӧник разӧдӧ ру.

Лун кольӧма, югӧрыс кусӧ.
Сутш кывзышта, ёнкнитас пыр:
Зэв нораа лайкйӧдлӧ вылӧ,
Рыт йӧлӧга новлӧдлас дыр.

Код татшӧм нораа горзыштлӧ?
Мый воштӧма, омлялӧ дыр?
Тшук лэбзьыштлас, видзӧдлас поз вылӧ:
Пӧсь синваыс дольсъялӧ тыр.

Тадз жугыля пукалӧ кӧкыд,
Зэв дона тор воштӧма, дерт.
Мам сьӧлӧмыд бӧрддзӧма — сьӧкыд,
Шог сьӧлӧмысь бурӧн оз пет.