ВОТЧЫСЬЯС

Сьӧд вӧр шӧрӧ вотчысьяс
Арся лунӧ вошӧма-сь.
Жугыль парма-н горзӧны,
Петан туйсӧ корсьӧны.

Тӧв ныр ворсӧ бандурнас,
Вӧр-пу вӧрӧ туганнас,
Сьӧлӧм тірзьӧ аньяслӧн,
Вӧрыс тырис зверъясӧн.

Регыд лэччис шондіыс,
Дзикӧдз пемдіс ывлаыс.
Вӧрын пыр на горзӧны,
Тӧв сор шыяс юргӧны.

Асъя кыа петігӧн,
Жугыль парма ловзигӧн,
Бипур дорын узьӧны,
Зэв чӧскыда нискӧны.

Том нывкаяс оз узьны,
Кокъяс налӧн оз мудзны;
Пыр на вӧрын шӧйтӧны,
Паса ордым корсьӧны.

Югдандорыс эрд вылӧ,
Тикӧн тыла керасӧ,
Нинӧм тӧдтӧг воисны.
Сэк тай, майбыр, ловзисны.

Сэн жӧ вӧлі ордымыс,
Выльдӧм пасыс югнитіс.
Нывъяс сэті тувччӧны,
Ордым кузя сёртӧны.^Пода туй тӧдчӧдӧны/^

Сюсь вежӧра нывъясӧй,
Мелі коми аньясӧй,
Эн жӧ бара тшапитчӧй,
Парма шӧрӧ чужасьӧй.

Нывъяс гора горзӧны,
Парма-н воча кылӧны;
Вочасӧн пыр ордымӧ
Вошӧм аньяс воӧны.