СИГУДӦК

Гажа тулыс зэв нин матын,
Нуас менсьым тӧвся шог.
Дугда сьывны аслам жырйын,
Сэтчӧ бырӧ менам мог.

Сигудӧкӧс босьта бокӧ,
Лэчча Эжва бердӧ ме.
Шлывгы Эжва, сьылам, вокӧ,
Ылӧдз юргы, йӧла, тэ.

Зарни дзоридз видзьяс вылысь
Уна ӧкті вывті ме.
Муса Машук, вывті ылысь
Сьӧрысь вайи тэныд ме.

Сусув нӧрыс йылӧ лэччам,
Мекӧд пуксяс муса ныв.
Сигудӧкным бӧрся босьтам
Сьывны сыкӧд сьыланкыв.