ЮГЫДЛАНЬӦ ПЕТӦЙ!

Митрей дядь овмӧссӧ важ моз на нуӧ,
Югыдлань петны оз слӧймы.
Пыр на тай дугдывтӧг самӧкур пуӧ,
Няньыс оз тырмыв кӧть сёйны.
Поп-дяклысь сӧрӧмсӧ ёна пыр эскӧ,
Уна лёк, позьтӧмтор керӧ;
Челядьсӧ пемыдлань ассьыс пыр кыскӧ,
Мырддьывлӧ кияссьыс перӧ.
Дырӧннад пыдӧ нин пырӧма лёкыс,
Югыдлань петнысӧ сьӧкыд.
Дука лёк кӧлуйӧн тырӧма керка...
Унаысь сулывлӧ рӧкыд.
Сӧвет власьт восьтіс нин быдӧнлы туйсӧ,
Быдсяма отсӧгъяс сетіс.
Дас воӧн уна нин петкӧдліс бурсӧ...
Гӧльяслы выль олӧм петіс.
Синъястӧ восьты да видзӧдлы гӧгӧр,
Чорыда узян ун пыркнит.
Олӧмтӧ бурмӧдны быдӧнлы колӧ,
Личыштӧм вынйӧртӧ ыркнит.
Босьтчылӧй ӧтувйӧн выль олӧм дорны,
Тувччалӧй, водзӧ пыр мунӧй!
Попъяслысь отсӧгтӧ оз нин ков корны,
Лыддьысьӧй шойччӧгъяс лунӧ.