ЁНА КЕВМИС...

Маръя пӧч еннога вӧлі,
Кевмӧ-зільӧ войысь-вой.
Челядь сылӧн гоз-мӧд вӧлі, — 
Ӧти сылӧн вывті збой.
Маръя пӧчыд енмӧс ошкӧ.
Коммунистлӧн пеж пӧ лов.
Ачыс пиньтӧм. Пӧрысь. Пошкӧ.
Йӧзкӧд зыньгӧ. Оз ӧд пов.
Мед пӧ миян рӧдвуж пытшкӧ
Коммунистлӧн дук оз лок.
Ёна ӧвтчӧ, быттьӧ ытшкӧ...
Тадзи кевмис бура дыр.
Кевмӧм пӧчлӧн прӧста лоис,
Воштіс прӧста уна лун:
Коммунистлӧн дукыс воис
Маръя ордӧ лунысь-лун.
Коммунисткӧд нылыс гижсис — 
Эз ков венеч, эз ков поп.
Маръя пӧчлӧн олӧм вежсис...
Кӧть пӧ сэсся ӧшӧд ноп.
Пиыс комсомолӧ пырис, — 
Пӧчлӧн вежсис оланног.
Гӧгӧр коммунистӧн тырис.
Ой-ой, пӧчлы кутшӧм шог.