ЯКОВ

Яковыд ӧтувтіс
Уна нин мортӧс,
Гӧльясӧс котыртіс
Бурмӧдны овмӧс.
Шор йылысь гӧль йӧзӧс
Югыдлань нуӧ.
Сиктса кулакъяс
Оз тӧрны куӧ.
Яковыд регыдӧн
Машина вайис,
Шорйывса йӧзлы
Выль олӧм вайис.
Гӧльяслӧн олӧмыс
Кыпавны босьтчис.
Вӧлисти йӧзыдлӧн
Синъясыс воссис.
Яковыд гӧль йӧзӧс
Нуӧдӧ водзӧ,
Мукӧдыс му вылӧ
Турунъяс кӧдзӧ.
Регыдӧн восьтісны
Машиннӧй чукӧр,
Бокӧ нин вештісны
Кӧсуля, пу гӧр.
Плугъястӧ вайисны
Быдӧн нин асьныс,
Быдлаті бурмаліс,
Дзоньмаліс пасьныс.
Машиннӧй чукӧрын
Машина содіс,
Олӧмныс гӧль йӧзлӧн
Выль ногӧн мӧдіс.