ЙӦЛӦГА

Тувсов войӧ Эжва дорын
Рытпукӧны ныв-зонъяс.
Алӧй кыа петандорӧдз
Мыла юргӧ гӧлӧсъяс.
Бӧръя кывъяс вӧр-ва горӧн 
Нора кодкӧ ливкйӧдлӧ,
Мӧд пӧв, помавтӧдзныс, сорӧн
Сьыланкывсӧ мичмӧдлӧ.

Кӧнкӧ кылӧ паськыд ольын
Ошлӧн йывмӧс муралӧ,
Сэн жӧ буксӧ козпу йылын...
Мӧдлан кӧин вурзалӧ.
Юргӧ вӧр вежӧс зэв мустӧм,
Налӧн войся чавзӧмъяс.
Налысь кывзыны зэв шуштӧм,
Майыштмунӧ сьӧлӧмъяс.

Коді тшӧкйӧ, коді шуксьӧ, — 
Ставлы ӧтмоз шыӧдчан.
Пежсӧ неран, ошкан шудсӧ,
Шогсӧ коньӧр жалитан.
Код пӧ тэныд мелі кывъяс,
Йӧлӧгалы, мӧдӧдӧ?
Код нӧ тэнӧ, коми гижысь,
Тувсов рытӧ гажӧдӧ?

Нолтӧ, кывзӧй, нывъяс, зонъяс,
Мыйӧн сьӧлӧм бурмӧда:
Кӧч бӧж кузя тувсов войяс (ын)
Меным юргӧ йӧлӧга.
Коми гижӧд коми йӧзлысь
Оласногсӧ сӧвмӧдӧ;
Тӧдӧй, коді меліпырысь
Йӧлӧгалы мӧдӧдӧ.