ТУВСОВ ВОЙӦ ЭЖВА ДОРЫН

Тувсов Эжва гажа шургӧ,
Гудыр быттьӧ кунва рудз.
Том ныв-зонлӧн гӧлӧс юргӧ,
Оз тай майбыр ньӧтчыд мудз.

Ок, том кадӧ
Дугдӧ повнытӧ.
Том ныв-зонъясӧ,
Кужӧ овнытӧ!

Сэні ваӧн кыркӧтш мыссьӧ,
Гӧгӧр кодйӧ канава.
Том ныв-зонлӧн серам киссьӧ, — 
Кыдз тай прудйысь буззьӧ ва.

Ок, том кадӧ
Дугдӧ повнытӧ.
Том ныв-зонъясӧ,
Кужӧ овнытӧ!

Гора вӧрын йӧла кавкйӧ,
Нерӧ гажсӧ налысь сэн.
Сьылӧм шыын гудӧк сявкйӧ, —
Оз нин некод сійӧс вен.

Ок, том кадӧ
Дугдӧ повнытӧ.
Том ныв-зонъясӧ,
Кужӧ овнытӧ!

Тадзӧн Эжва кырйын гӧрдлӧ
Шоныд зарни тувсов вой.
Вир-яй тайӧ кадӧ ворсӧ,
Сьӧлӧм йӧктӧ, кокъяс збой.

Ок, том кадӧ
Дугдӧ повнытӧ.
Том ныв-зонъясӧ,
Кужӧ овнытӧ!