ВЕТЛІМ ВӦРӦ

Сьылӧны ставӧн:

Ветлім вӧрӧ,

Вотім оз, вотім оз,

Быдӧн тыртіс

Ассьыс доз, ассьыс доз.

Речитатив

1 нывка:

Сӧмын миян Петя ӧтнас

Дозсӧ тыртӧма быд лӧпнас.

2 нывка:

Мыйыс сӧмын сылӧн абу!

Сӧмын оз кабыр и абу!

Сьылӧны ставӧн:

Петя, тэ тай вывті дыш,

Тадзтӧ оз мудз бара-й мыш.

3 нывка:

Тадзтӧ весиг пестер тырас,

Вӧрсьыд бара-й лӧптыд сюрас!

4 нывка:

Петя, Петюк, дыр эн бӧбъяв,

Со нӧ, понтшакъяссӧ лӧд дай!

Петя:

Ковмас кӧ, и тэтӧг лӧда,

Тэнсьыд юасьны тай мӧда,

Весь тэ ме вылӧ эн кай,

Озсьыс лудӧ менам яй!

Пожӧм кольсӧ, коз пу ройсӧ,

Дерт жӧ, нывъяс, ме ог сёй.

Наысь вӧча уна чача,

Медъя ворсӧ ичӧт чой!

— Ой-й! —серамбанӧн горӧдӧны нывкаяс, да ставӧн бара сьылӧны; быдӧн ас ногыс йӧктӧ:

Ветлім ворӧ,

Вотім оз, вотім оз,

Быдӧн тыртіс

Ассьыс доз, ассьыс доз.