ПРӦСТӦ МИТЯБатьӧй менам демократ, Мамӧ — коммунистка, Бабӧ ропкӧ: — Накӧд мат... Ох и антикристъяс! Сідзкӧ, бабук, коді ме? Тэнад внукыд, Митя? Бабӧ лапӧдыштас мыш, Сьӧлӧмшӧр пӧ дитя! Кутшӧм нӧ нин дитя ме? Дасӧд арӧс тырта! Пачсӧ ломтны быд рыт ме Пессӧ сылы пырта. Ушатысь оз бырлы ва, Юкмӧсысь пыр вая, Скӧтнӧй дворӧ мамкӧд пыр Кукъяс дорӧ кайла. Математикаысь пять Талун босьті бара. Олег ёрткӧд, кӧчамач, Вӧчим лыжи пара! Абу ме ни антихрист, Абу ме ни коммунист, Ни сьӧлӧмшӧрӧй дитя, Прӧстӧ — Расов Митя!
