ОК И ШЫРЪЯС, ИЧӦТ НЫВЪЯС

Ок и шыр, ичӧт ныр,
Шкапысь нӧбалӧма сыр,
Пызан йӧрысь сёйӧм кампет,
Пазӧдӧма кока лампа,
Сэсся-й тюрӧма джодж улӧ,
Шышыд ӧдвакӧ и сюрӧ.

Бабӧ лапйӧдлыштіс кинас,
Менӧ чукӧстіс ас дінас,
Дзоргӧ-видзӧдӧ зэв сюся,
Эн-ӧ пӧ тэ тадзсӧ гусясь?

Эг и тӧдлы нырӧй луддзис,
Быттьӧ кузь ныра ном курччис.
Синва дзольмуніс и со...
Кори прӧща, мый кӧть ло.

Мися, Светкакӧд ми гуим,
Мися, чомйӧ ворсны нуим,
Мися, лампа коксӧ ми жӧ...
Дзикӧдз шырыд абу мыжа.