* * *

Ок и Машенькалы шог,
Сылӧн кӧмтӧм ӧти кок,
Корсьӧмысла висьмис юр,
Тупли пӧлыс эз и сюр.

Корсис шкапсьыс, диван увсьыс,
Паччӧр вывсьыс, крӧвать вывсьыс,
Эз, эз сюр, кӧть мый тэ вӧч,
Тайӧ мути нуис стӧч!

Бӧрддзис Машук ыджыд горӧн,
Синваыс мӧдӧдчис шорӧн,
Мишук вокыс аддзис тайӧс,
Порог дорсьыс мыйкӧ вайис.

Буракӧ пӧ тайӧ тшук,
Няйтсӧ пыркӧдіс бур здук,
Сідз и тадзик киас летіс,
Вӧлись тупли пӧлыс петіс.

Мӧдысь кысь оз ков эн корсь,
Кытчӧ пуктін, сэтысь босьт!