НӦДКЫВЪЯС

* * *
Ме ог тӧд, мый сылы колӧ,
Дугдывтӧг ме дорын олӧ.
Сыысь пышъя — сійӧ вӧтчӧ,
Кӧсъя кутны, а оз сетчы.

* * *
Менам чибӧ оз сёй зӧр,
Оз ков сылы вӧсни ньӧр,
Кӧрт асыкъяс сылӧн кокъяс,
Со нин вартӧда ме, вокъяс!

* * *
Нырсӧ сюйыштлас сьӧд тыӧ,
Сэсся котралӧ да гыӧ,
Аттӧ дивӧ, аттӧ дивӧ,
Со тай кымын туйвеж сылӧн!

* * *
Менӧ ёна чуксалӧны,
Менӧ ёна виччысьӧны,
А кор локта, ставӧн — гузь!
Пышйӧ меысь, быдӧн сюсь.

* * *
Локтас — зонпоснилы любӧ,
Мӧсъяс оз нин мунны лудӧ,
Кокъяс улын яра сьылӧ,
Мунігас син водзад сылӧ.

* * *
Ог ме бара-й юась-висьтась,
Кытчӧ кӧсъя, сэтчӧ-й письта,
Ӧдзӧс-ӧшинь восьта ван,
Вӧлі вӧрын — ӧні тан.
Ичӧт нывлысь шарсӧ мырддя,
Пӧльта вӧралысьлы ноддя,
Ызган зэрлысь водзӧс босьта,
Видзьяс вылын турун косьта.
Эбӧс бырас, водла узьны,
Сӧмын ог радейт ме шузьны,
Бара лэба, бара туйын,
Вывті жӧ нин лӧсьыд уйны!