МАСТЕРИЦА-МОДНИЦА

Пасьтала ме выль шӧвк платтьӧ,
Муса мамлы шуа «аттьӧ»!
Сэсся пета ывла вылӧ,
Сэні челядь шы со кылӧ.
Света! Саньӧ! Ваньӧ! Катьӧ!
Видзӧдлӧй, менам выль платтьӧ!
Бӧрас бантик, водзас зеп,
Сэтчӧ, майбыр, мый кӧть дзеб!
Позьӧ кампет, сикӧтш моль,
Шыльыд изтор, коз пу коль.
Меным мамук вурис тайӧс,
Тшӧтш и ме пуктышті пайӧс,
Серпасалі платтьӧ мода,
Мамӧ шуис: Артмас скода!