* * *

Зӧр му вылын ургӧ трактор,
Трактористыс менам бать,
Быдма — лоа трактористӧн,
Ӧні сӧмын меным квайт.

Пока котрала детсадйӧ,
Ворсам-сьылам сэні ми,
Шыпасъясысь тэчам кывъяс,
Песам вежӧр, песам ки.

Дежуритан лунӧ асьным
Мыськам джодж и сёян доз,
Кодкӧ лунӧ зонкаяскӧд
Мастеритім кык кай поз.

Ме ӧд быдторсӧ нин кужа,
Сӧмын на кӧть меным квайт,
Муса пи пӧ, босьтлы рульсӧ,
Кор нин шуас меным бать?

Зӧр му вылын ургӧ трактор,
Трактористыс менам бать,
Быдма — лоа трактористӧн,
Ӧні сӧмын меным квайт.