ГОРТ ОЛЫСЬЯС

Таня ноксьӧ тасьті-паньӧн,
Ваня ворсӧ шырӧн-каньӧн,
Дзик ӧд кысук моз и нявзӧ,
Нявӧстас да горӧн равзӧ:
— Таня, Таня, тэ ӧд шыр!
Со нӧ улӧс улас пыр!

Чойыс быттьӧ оз и кывлы,
Абу ворсӧмӧдз на сылы,
Первой мыськас тасьті-пань,
Сэсся-й ло кӧть шыр, кӧть кань.

Ваня эз и дузъяв дыр,
Со нин ачыс сійӧ шыр.
Сійӧ тивк — и улӧс вылын,
Улӧс улын, лабич вылын,
Дась нин кайны пызан вылӧдз,
Сӧмын Таня, кылӧ, шуӧ:
— Мешайтчыны кутан он?
Ок тэ миян вильыш зон!
— Кута вильшасьны на дыр,
Аддзан он тэ, ме ӧд шыр!