ГАЖТӦМ

Петя горзӧ: — Листопад!
А ме жугыль: кушмӧ сад.
Регыд пуксяс кӧдзыд тӧв,
Лоӧ гортын шы ни тӧв.

Петя бара лэччас карӧ,
Аслас карӧ, Сыктывкарӧ,
Бара бабкӧд кыкӧн колям,
Сійӧ пӧрысь, а ме дзоля.

Гашкӧ, мамлы письмӧ гижны?
Сӧмын гижнысӧ ог куж на.
Да и адрессӧ ог тӧд,
Тӧнлун ӧти — талун мӧд.

Аски, гашкӧ, коймӧд лоӧ,
Геологъяскӧд ӧд олӧ,
Мамуккӧд и батьӧй сэн,
Накӧд тшӧтш и пон Ефрем.

Ветлӧмныслы во нин тырис,
Виччысьӧмсьыс гажӧй бырис,
Гажтӧмысла кулам ми,
Ньӧб кӧть, бабӧ, кычипи.