* * *

Анна тьӧтлӧн ичӧт кукъяс
Ыджыд карта тыр,
Васьӧ другкӧд кукъяс дорӧ
Котраламӧ пыр.
Вӧчам ныас, ваям ключ ва,
Весаламӧ жыр,
Тшӧтш и турун Анна тьӧткӧд
Пыртлам лясни тыр.
Мый и колӧ сера куклы,
Баксӧ «М-му!» да «М-му!»
Быттьӧ кукыс шуӧ меным,
Эн на пӧ тэ мун.
Серам петӧ Анна тьӧтлӧн,
Со пӧ кутшӧм кук!
А ме малалышті сійӧс,
«Тайӧ ӧшпи тшук».
Гортӧ бӧр нин Васькӧд мӧдім,
Сэсся нинӧм керныс,
Сӧмын кукъяс дорӧ йӧрмим,
Вывті ёна зэрмис.