МЫЙЛАКӦ ИЧӦТ ЛОИ

Мишукӧс шуан ичӧтнад, да сійӧ ёна дӧзмӧ. Ме пӧ абу ичӧт, ме пӧ ыджыд нин.

Ӧтчыд Мишук мамыскӧд ывлаӧ гуляйтны петалісны. Ворсісны мачӧн, сэсся машинаӧн лыа кыскалісны чукӧрӧ, керка пӧ кутамӧ стрӧитны. Мишук сӧмын нин ноксис да горӧдліс:

— Ме ӧні шофёр! Би-би-бип!

— Ме ачым грузита машинасӧ, ме ӧд стрӧитчысь!

— Ой, зэв мича да ыджыд детсад артмис! Вай, мамӧ, нӧшта детсад дорас пуяс садитам!

А кор мӧдісны гортас, Мишук друг кутіс шуны мамыслы:

— Мамӧ, ме мыйлакӧ ичӧт лои, босьт киад. — И бӧрддзис.

Зіля уджаліс да мудзӧма пиукыд.