МЫЙЛА АБУ ЁЛКА

Мишук локтіс садиксьыс, аддзӧ: мамыс выль зэв мича дзоридзӧсь халата. Мишук видзӧдіс-видзӧдіс дай юалӧ:

— Мамӧ, а тэ мыйла эшкынсӧ вылад пасьталін?

— Абу жӧ эшкын тайӧ, — шай-паймуні мамыс. — Халат тайӧ, стежитӧм, мед шоныдджык вӧлі. Тайӧ мем батьыд козьналіс. Талун ӧд праздник менам, Март 8-ӧд лун. Вот ме и вӧччи.

Мишук шензьыштіс:

— А праздник кӧ тэнад, мыйла ёлкасӧ он сувтӧд?

— Йӧюк, ёлкасӧ ӧд Выль во дырйи сувтӧдӧны.

Мишук шензьыштіс:

— А ме эськӧ тэныд сэтшӧма-сэтшӧма отсаси! Чачаяссӧ ёлка вылӧ ӧшлі...