МИШУК РИСУЙТЧӦ

Мишук босьтіс карандаш да кабала лист, кутіс рисуйтчыны. Первой сійӧ зэв кузь визь нюжӧдіс. Аттӧ, кутшӧм веськыд туйыс!

Сэсся босьтіс турунвиж карандаш да пондіс чиркайтны посни визьяс. Тайӧ пӧ турун быдмӧ туй вылас.

— Мамӧ, мамӧ, ме нӧшта рисуйта коз пу да кӧчильӧс!

— Рисуйт, пиук, рисуйт. Да бӧрас петкӧдлы мамыдлы, мый артмас.

Козйысь да кӧчильысь кындзи, Мишук нӧшта рисуйтіс туй вылас ичӧтик гӧгыль дай сетіс мамыслы.

— На, мамӧ, видзӧдлы! Артмис менам?

— Артмӧма, пиук, артмӧма. Кутшӧм нӧ эськӧ мойд серпасалін?