ВАЙӦ ТӦДМАСЯМӦЙ

Этайӧ шуйгавывса рисунок вылас ме, Юра Пыстин. А мекӧд орччӧн Женя Синицын. Шуӧны, миян пӧ кыкнаннымлӧн ӧткодь овным, кӧть сійӧ Синицын, а ме Пыстин. Вуджӧдны кӧ роч кыв вылӧ Пыстинсӧ — лоӧ Синицын и мӧдарӧ — Синицынсӧ кӧ коми вылӧ вуджӧдны, лоӧ Пыстин.

Женя — менам медбур друг.

Тайӧ книгаас ме висьтала тіянлы, кыдзи ми сыкӧд ёртасям, ӧта-мӧдлы отсасям. Висьтышта и ас йылысь, медым ті верминныд тӧдмавны, кутшӧмджык ме зонка — бур али лёк, и верманныд-ӧ мекӧд эськӧ Женя моз жӧ дружитны? А ме зэв ёна кӧсъя! Ставныдкӧд!

Пӧсь чолӧмӧн Юра Пыстин.