ЧЕЛЯДЬДЫР

Югыд шондіӧй
Вильыш тӧвруӧй,
Паськыд виддзанӧй, шондібан!
Гажа видз вывсьыс дзоридз ӧктышта,
Дзоридзьяс пӧвстас
Кӧмтӧг йӧктышта.

Лэчча ю дорӧ,
Увлань чой горув
Тӧвзя-вартӧда чибук моз!
Тпру нин, кокӧньяс! Со нин берегыс!
Ӧвсьӧй лэбӧдны, биа бордаяс!

Визув юанӧй,
Ыркыд ваанӧй,
Пальӧдышт, чоюкӧй, менсьым лов!
Кабыр тыр дзоридз вайи козин тэд,
Ва веркӧс вылад кутан мед.

Вадор берегӧй,
Пӧсь лыа вылӧй,
Шонтышт, пӧчукӧй, ки и кок!
Купайтчӧм бӧрам нюжвидзышта тан,
Яйӧс гожйӧда гуг и бан.

Югыд шондіӧй,
Вильыш тӧвруӧй,
Гажа ывлаӧй, шондібан!
Помасьлытӧм мойд юыслысь кывза,
Ёна жӧ нин мем долыд тан!