ТӦЛЫН

Пемыд ӧшинь сайын лӧвтӧ
Дурмӧм турӧб коймӧд лун,
Татшӧм бушков дырйи, дерт жӧ
Исласьнытӧ он и мун.

Паччӧр дорын нускӧ пӧльӧ,
Керка пытшкын шыч ни рач,
Гашкӧ, вӧрын ручӧ-чойӧ
Менам моз жӧ ломтӧ пач?

Пачӧй менам ломзис, ыргӧ,
Яра сотчӧ кыдз пу пес.
Эн, эн повзьӧдчы, эн таргы
Кильчӧ помын, мустӧм бес.

Гашкӧ, инӧ гегдӧм кӧчиль
Шонтысьыштны вӧзйысьӧ?
Али кӧин локтіс вӧрысь,
Сёйны менӧ дасьтысьӧ?

Ог, ог пов ме, кӧин, тэысь,
Ог кут падъявны ме дыр.
Гегдӧм кӧчильлы кӧ — восьта,
А тэ, кӧин, он на пыр!