ПАНЛАСЬӦМ

Баквал Толь со дасӧдысь нин
Ыз-буз ваас пырис,
Толик бӧрся ӧти здукӧн
Юыс ставнас тырис.

Чилзӧм, горзӧм, авзӧм, равзӧм
Ылӧдз юсянь кылӧ.
А со кодкӧ лыа пиын
Пиньнас татшкакылӧ:

— Т-тӧлысь-пӧчӧ, шонді-мамӧ!
Кымӧр пӧвстысь мыччыв нюм!
Петав, шонтышт менӧ, мамӧ!
Юрам чужис ӧти дум.
Шонала да нӧшта ӧтчыд,
Дас кыкӧдысь сунла!

Баквал Тольлӧн быть мед талун
Ошйысьӧмыс вунлас.