НЫВКАЛӦН КЫДЗ ПУКӦД СЁРНИ

— Висьтав мем, пӧдруга, висьтав,
Кыдз тэныд овсьӧ, Веж Кыдз?
Тёп-уси сэк синва тусь моз муас
Гӧрддзасьлытӧм дзоридз,
Быттьӧ вочакыв.

— Эн тӧждысь, мичаӧй, кӧдзыд тӧв прӧйдитіс,
Пӧлялӧ лун тӧв, вежӧдӧ сад,
Сэсся и локтас, сэсся и пуксяс,
Шуда да гажа
Купайтчан кад!

— Ок, дона дитюкӧ, ок, югыд вежӧрӧ,
Купайтчан кадлы нӧ код абу рад?
Сӧмын тай водзвыв нин майшӧдлӧ менӧ,
Локтас ӧд корӧсь вундалан кад!

Зарава вийӧдіг синваӧн мысси,
Вежӧртӧм мортыс кор бытшйис став кок,
Мый бара-й лоас, кор сійӧ жӧ киыс,
Чашйыны кутас быд чаль да быд вож?

— О, дона кыдз пуӧй, прӧстит тэ менӧ,
Эг тӧд ӧд, мыйла тэ горалан нора,
Менам ӧд вежӧрӧй тшӧтш ёрӧ сійӧс,
Сы пыдди ме тэнсьыд прӧщасӧ кора.

Со кыдз пу корӧсьӧн пывсьыны лэччӧны,
Пӧлюкӧ менам да ичӧтджык вок,
Тэнадтӧг коді нӧ козьналас налы,
Пармалысь кӧрсӧ дай швачӧдас бок?

Корӧсь да пывсян,
Парма да морт,
Пармаыд мортыдлы медся бур ёрт,
Лыддян кӧ асьтӧ тэ пармаса мортӧн,
Козинсӧ сылысь — кужӧмӧн босьт!

Тадзи и пӧлюкӧ велӧдліс менӧ,
Тадзи и кута ме дорйыны тэнӧ,
Мед сӧмын кыдз дорас волас дурк мортыс,
Куш киӧн мунас бӧр гортас!

Сывъясьлӧ кыдз пукӧд нывка,
На костын мунӧ пӧсь сёрни,
Юр весьтас кыпыда сяльгӧ веж корйыс,
Да вильшасьӧ-котралӧ тӧвру.