МЕ ДА ИВӦ ВОКӦНо и дивӧ, миян Ивӧ! Шардлӧ-гӧрдлӧ йӧрын сійӧ! Ме пӧ чибӧ! Чожа кежӧй! Талявны пӧ петӧ вежӧй! — Чибук, тэныд ньӧр ли зӧр? — Юала ме сылысь. — Али корадоддьӧ тэнӧ доддявлыны збыльысь? — Зӧрсӧ пырт да мамлы сет, Чӧскыд рок мед пуас, Ньӧрсӧ... Ямщик ордас мед! Чожаджыка вӧтлас! Корадоддяс сӧлан тшӧтш, Кык вок орччӧн пуксям, Кодным вӧв, а кодным ньӧр, — Вензьытӧг и юксям. — Тэкӧд, вокӧ, ме ог пуксьы, Вӧвнас-додьнас тэ нин ноксьы, Сідз нин манитчи ме уна, Иномарка ньӧбны муна. Регыд «буду я шофёр!» Иномарка ньӧба кор!
