* * *

Лыньгӧ шонді, пӧльтӧ вильыш лун тӧв.
Эжва юӧй, садьмы, пальӧд унтӧ!
Ойдӧм видзьяс вылӧ ваыс туӧ,
Бара локтӧ тулыс Коми муӧ.

Ок и тулыс, тулыс, гажа тулыс!
Коляс лымсӧ ӧдйӧджык нин сёй!
Ок и тулыс, тулыс, гажа тулыс!
Поснияслы берин тусьяс кой!

Ок и тулыс, тулыс, гажа тулыс!
Веж краскаӧн мавтышт вӧр и йӧр!
Ок и тулыс, тулыс, гажа тулыс!
Эн дышӧдчы, ӧдйӧджык вай вӧр!

Ок и тулыс, тулыс, гажа тулыс!
Лэбач дзользьӧм шыӧн сынӧд тырт!
Ок и тулыс, тулыс, гажа тулыс!
Быд керкаӧ долыдлунсӧ пырт!