ЛОӦ МИЧА ЛУН

Талун бара луныс лоӧ мича,
Асывсяньыс сьылӧ колипкай:
Чив-ли, чив-ли, чик-чик, чик-чик!
Чив-ли, чив-ли, чик-чик, чик-чик!
Льӧм пу йӧрын сьылӧ колипкай.

Нывъёртъяскӧд котӧртла видз вылӧ,
Горадзульсӧ ӧкта кабыр тыр,
Гора-гора-горадзульсӧ,
Гора-гора-горадзульсӧ,
Ковмас кӧ, и ӧкта моздор тыр.

Дзоридзьяссьыс юркытш кыа аслым,
Мед ме лоа медся мича, тшап!
Тіп-тіп, тіп-тіп — йӧктӧ сьӧлӧм,
Кып-кып, кып-кып — сьылӧ сьӧлӧм!
Ме ӧд талун медся мича, тшап!

Талун бара луныс лои мича,
Асывсяньыс сьылӧ колипкай,
Шонді, шонді, шонді-мамӧ!
Шонді, шонді, шонді-мамӧ!
Аски нӧшта мича лунсӧ вай!