КӦКИНЬ

Ку-ку! Ку-ку! Кӧкиньӧ
Шорсай ягын сьылӧ,
Йӧлӧгаыс кӧнкӧ матын,
Керка дорын, кылӧ.
Ку-ку! Ку-ку! Ку-ку!
— Кымынысь «ку-ку» кылас,
Сымын вежон на сьылас, — 
Кильчӧ помын жӧдзӧ,
Туналӧ тшӧтш пӧчӧ.

Куимысь «ку-ку» кыліс,
Куим вежон и сьыліс.
Вӧлӧмакӧ, пӧчӧ
Туналӧма стӧча.

— Ку-ку, ку-ку, кӧкиньӧ,
Дышӧдіс мӧй сьывны?
Мыйла тэнад мыла гор,
Шоча пондіс кывны?

Абу на ӧд кӧдзыд ар,
Шоныд гожся войыс,
Ыждавнытӧ дугды вай,
Сьылышты на, чойӧ.

— Ог, ог ыждав, шуа стӧч,
Мыжа тані шонді,
Ид нин воис, мый кӧть вӧч?
Ид йикинас виньді.

Важӧн нин «ку-ку» оз кыв,
Важӧн кӧкинь оз сьыв.
Бара мӧд во тулыс,
Сьылӧм кылас выльысь. 
Ку-Ку! Ку-Ку! Ку-Ку!