КИССИС СИКӦТШМамлӧн сикӧтш кӧвйыс ори, Сикӧтш кӧвйыс ӧтнас коли, Мольяс сюв-сяв исковтісны, Джодж пасьтаыс размунісны. Аньлӧн воши мича нюмыс, Ковмас пальӧдыштны унмӧс, Пидзӧсчаньӧн кысъясьыштны, Чипан мам моз ӧктысьыштны. Да ӧд таысь он и шогсьы, Чукӧртӧмнас быть и ноксьы, Нокыс, дерт жӧ, уна лоӧ, Но да отсасьысь со воӧ! Питорйыслӧн воши унмыс, Крӧвать улас пыр и суніс, Сысянь горзӧ: — Волы татчӧ! Куим моль ме пыр и аддзи! Ой-ой, нӧшта тані мыйта! Дзик пыр, мамук, ставсӧ ӧкта! Со и кабырӧй нин тыр! Крӧвать улысь пета пыр! Сунла тшӧтш и пызан улӧ, Сэтысь дас моль тшук жӧ сюрӧ! Ставсӧ ӧтнам ӧкта! Оз ков меным тшӧктӧм! Но, а пысавламӧй кыкӧн, Света чоюкным нӧ кытӧн? Куимыдлӧн, эськӧ, Ӧдйӧджыка эштіс.
