ТШАПУНЬКА ЛЮБА

Аканьяснас ичӧтик Света ворсіс джоджын. Чойыс, Люба, мӧдӧма кытчӧкӧ гуляйтны, вӧччӧма-баситчӧма, рӧмпӧштан водзын вежнясьӧ, сьыліас сикӧтш ӧшӧдӧ. Друг сикӧтш кӧвйыс ори, да мольясыс сюр-сяр киссисны джоджас, гӧгыльтчисны пызан улас, крӧвать улас, диван улас.

Ойӧстіс Люба, а сьыліас сикӧтш кӧвйыс сӧмын кольӧма кымынкӧ молльӧн.

Любалӧн и синваыс петӧ, и скӧрыс. Шыасис Света дорӧ:

— Мешайтчан сэн, кок улас! Ноко, корсь тшӧтш мольяссӧ. Чукӧртам да выльысь пысавлыны ковмас.

Светик — пӧслукман нывка. Пыр и аддзӧма ӧтиӧс. Мыччис чойыслы да нӧшта на бауасис моль корсьны. Горӧдіс:

— Аддзи ещӧ! Дай ещӧ! Дай ещӧ! Тані абу сэсся.

— Молодеч, Светик, — ошкыштіс чойыс. — Пызан улас нӧшта пырав да корсьлы.

Светик, зэв лӧсьыдика юрсӧ пыркӧдігтыр, шуис:

— О, кутшӧм баруня! Ачыд сэсся корсь. Ме уна нин корси.