ГРАМОТЕЙ ПЕТЯ

Садикас талун Петя велалӧма дасӧдз лыддьыны да рытнас мамыскӧд гортас мунігчӧж дугдывтӧг долис-лыддис ассьыс быд воськов. Ӧтик... Кык... Куим... Нёль... Сідз дасӧдз лыддяс да выль пӧв ӧтисянь заводитӧ. Мамсӧ бурпӧт грекӧвӧйтіс. Ӧтторъя шуӧ:

— Кывзы, мамӧ, ме ӧд кужа нин!

— Молодеч тэ менам, ичӧт пиук! — ошкыштліс мамыс да нюмдыліс.

Кильчӧ помас воисны да, поссӧ кайигӧн пиукыс бара пондіс лыддьыны тшупӧдъяссӧ:

— Ӧтик, кык, куим...

Куимӧдз лыддис, а сэсся джӧмдіс, сувтіс и сулалӧ, водзӧ оз кай.

— Мудзин ӧмӧй? Сувтін тай нӧ? — шыасис мамыс.

Петя жугылиника нурбыльтіс:

— Вунӧді, куим бӧрас мый воӧ.

Мамыс серӧктіс:

— Ок тэ, грамотей тэ! Нёль ӧд куим бӧрас овлӧ!

— Ой, збыль ӧд нёль!

Петя дзик пыр гажмис. Котӧрӧн шурк бӧр лэччис уліас да сысянь горӧдіс:

— Ме выльысь лыддя став поссӧ!

Тэрмасьӧмӧн пондіс кайны пос кузя вывлань, быд тшупӧд лыддис.

— Ӧтик, кык, куим, нёль, вит, квайт! Ой, квайт сӧмын! Ме ӧд дасӧдз нин кужа!

Мамыслӧн бара серамыс петіс. Кайтыштіс:

— Сы пуд ӧні тӧдан, кымын пос тшупӧд миян.