ТӦВСЯ РЫТЫН ӦТНАС

Тӧвся рытын ӧтнас
Олӧ Васюк пыр.
Нора сьылӧ вомнас,
Кылӧ ёна зэв.
Шуштӧм кадӧ чужи
Менам муса лов.
Быдтор вӧчны кужи,
Воши ӧні став.
Сизим вося тышъяс
Уна пычкис вын.
Киссис уна виръяс,
Босьтіс коклысь джын.
Вына мича зонмыд
Нывкӧд мунӧ сэн.
Аддзан коньӧр синнад,
Ворсӧ, йӧктӧ сэн.
Важӧн овлі тадз жӧ,
Сьывлі-ворсі дыр.
Вунӧ вӧлі сідз жӧ
Мудзлун менам пыр.
Пета вӧлі рытнад,
Машук менам пӧв.
Шонді петтӧдз сыкӧд
Сьылам сьыланкыв.
Пета ӧні гортысь,
Бокын кӧстыль эм.
Быттьӧ кутан нывтӧ
Отсӧг пыдди нэм.
Уна китӧм-коктӧм
Ӧні сиктын эм.
Важся мамлӧн быдтӧм
Шогӧн колльӧ нэм.
Кӧть ӧд висьӧ сьӧлӧм,
Шогӧн юрӧй тыр,
Ог на повзьы, — олӧм
Менам лоас дыр.