ЧУДЬЯС ЙЫЛЫСЬ

Чудин ты Вӧльдін дорын.

Чудъю усьӧ Тымсер вылӧ.

Чудъю вад — сійӧ вадсьыс визувтӧ Чудъюыс.

Косъю сайын эм кутшӧмкӧ гуяс. Косъюыс визувтӧ лунсянь войвылӧ Эжваыслы паныд. Усьӧ Эжва вылӧ верст 10 Помӧсдінлань. Веськыда Помӧсдінсянь Косъюӧдз верст 6. Чудъюӧдз Косъюсянь верст 5–6. Чудин чурк Чудин ты дорсянь матын.

Чудин ты дорын эмӧсь кутшӧмкӧ […посньыдик] инын уна мыльк, гу туй кодьӧсь. Педьӧ Ӧльӧксан висьталӧм серти, чудьяс асьныс асьнысӧ бырӧдлӧмаӧсь. Гуяс вӧлӧм кодъясны да сіяласны гу вевтсӧ, сэсся пырасны сэтчӧ да вӧлӧм пӧдтысясны. Шогнысла пӧ сідз вӧлӧм вӧчӧны. Дзескӧдӧны пӧ вӧлӧм да.

Полысь мортӧс ӧні миян шуӧны: «лёк чудь», «йӧй чудь», «чудь сьӧлӧм». Сійӧ пӧ, кодкӧ кӧ полӧ, шуӧны «чудь кодь пӧ полысь»…

Кодкӧ кӧ пикӧ волӧма, сідз шуӧны «чудйӧ-вадйӧ волі», «чидйӧ-вадйӧ»…