ЗИНА РӦЗБОЙНИК

Важӧн вӧлӧма Зина рӧзбойник. Дереваннӧйысь ачыс.

Ӧтчыд коркӧ сійӧ ветлӧма аслас войтыр чукӧрнас (шайканас) Изьваӧ. Петіганыс найӧ грабитӧмаӧсь помӧсдінсаӧс. (Волӧмаӧсь найӧ ва туйӧд). Грабитасны Помӧсдінтӧ да пыжӧ сӧласны, да пышъясны. Мӧд лун асывнас помӧсдінсаыд казяласны да и вӧтчасны кӧдж веськыда (Зина виддзӧ). Воасны и кутасны виччысьны. Сэні вӧлӧм потшӧма Эжва вомӧныс ез. Коркӧ рӧзбойник шайка воасны, езад найӧ и дзугсясны. Помӧсдінса зырӧдасны на вылӧ да став грабитӧм кӧлуйнысӧ мырддяласны, пыжъяссӧ путкыляласны. Унаӧс вӧйтласны и. Сэсянь и шусьӧ ӧні сійӧ местаыс «Зина виддзӧн». Матын сэні эм «Зина ты». Вӧрыс шусьӧ «Зина ягӧн».